ԻՆՉ Է ՀԻՊՈԹԵՐԱՊԻԱՆ

Հիպոթերապիան այն գործընթացն է, որի ժամանակ լիցենզավորված Էրգոթերապիստը, կինեզիստը, լոգոպեդը և հոգեբանը, հիմնվելով ապացուցողական պրակտիկայի և կլինիկական հիմնավորման վրա, նպատակային կերպով կիրառում և կառավարում են ձիու շարժումը՝ որպես թերապևտիկ գործիք։ Ձիու շարժումն օգտագործվում է զգայական, նյարդաշարժողական և ճանաչողական համակարգերը ներգրավելու և ֆունկցիոնալ արդյունքների բարելավմանը նպաստելու նպատակով։

Լավագույն մասնագիտական պրակտիկայի համաձայն՝ լիցենզավորված մասնագետները հիպոթերապիան պետք է ներառեն շահառուի անհատական բուժման ծրագրում՝ այն համադրելով թերապևտիկ այլ գործիքների և/կամ ռազմավարությունների հետ։

Հիպոթերապիան որպես թերապևտիկ գործիք

Հիպոթերապիան առանձին ծառայություն կամ ինքնուրույն ծրագիր չէ։ Ավելին, «ձիաթերապիա» (equine therapy) կամ «ձիու թերապիա» (horse therapy) անվանումներով առանձին ծառայություն գոյություն չունի, և այդ եզրույթների կիրառումը մասնագիտական առումով ճիշտ չէ։

Հիպոթերապիան որպես թերապևտիկ գործիք, որը կարող են կիրառել վերը նշված մասնագետները՝ իրենց մասնագիտական իրավասությունների շրջանակում, ճանաչվել է հետևյալ մասնագիտական կազմակերպությունների կողմից՝

American Hippotherapy Association (AHA) — ԱՄՆ

American Occupational Therapy Association (AOTA) — ԱՄՆ

American Physical Therapy Association (APTA) — ԱՄՆ

American Speech-Language-Hearing Association (ASHA) — ԱՄՆ

Schweizer Gruppe für Hippotherapie-K® — Շվեյցարիա

Canadian Therapeutic Riding Association (CanTRA) — Կանադա

CanTRA Hippotherapy Committee — Կանադա

Deutsches Kuratorium für Therapeutisches Reiten (DKThR) — Գերմանիա

Այսպիսով, հիպոթերապիան կիրառվում է որպես մասնագետի կողմից ընտրված թերապևտիկ գործիք՝ շահառուի անհատական զարգացման ծրագրի շրջանակում, այլ ոչ թե որպես առանձին բուժական ծառայություն։ Այն կարող է համակցվել թերապևտիկ այլ գործիքների և/կամ ռազմավարությունների հետ՝ կախված շահառուի կարիքներից: